ប្រិយមិត្ត Liverpool រត់ចូលពេញទីលានក្រោយផ្តួល Tranmere ក្នុងជំនួបមិត្តភាព

5 months ago​ | ដោយ V-Dr

ហ្វូងអ្នកគាំទ្រហង្សក្រហម Liverpool បានរត់ចូលទីលានបន្ទាប់ពីក្រុមរបស់ពួកគេបានទទួលជ័យជម្នះ ៦-0 លើក្រុម Tranmere កាលពីថ្ងៃទី១១ កក្កដា ២០១៩ ក្នុងជំនួបមិត្តភាពមុនបើករដូវកាល ហើយក្នុងចំណោមពួកគេជាច្រើនកំពុងព្យាយាមថតរូបជាមួយនឹងវីរបុរសដែលបានជួយក្រុមលើកពានក្របខ័ណ្ឌ Champions League កីឡាករខ្សែប្រយុទ្ធ Divock Origi។ Liverpool បានក្លាយជាម្ចាស់ជើងឯកទ្វីបអឺរ៉ុបជាលើកទី៦ ក្នុងប្រវត្តិសាស្រ្តក្រោយផ្តួល Spurs ២-0 នៅក្នុងវគ្គផ្តាច់ព្រ័ត្រនៃក្របខ័ណ្ឌ Champions League កាលពីរដូវកាលមុន។

ទោះបីក្រុមបង្ហាញទម្រង់លេងល្អបំផុតក្នុងជំនួបមិត្តភាពមុនបើករដូវកាលយ៉ាងណាក្តីអ្នកគាំទ្រ Liverpool នៅតែបាត់បង់ម្ចាស់ការចូលលុកលុយនៅទីលាន Prenton Park បន្ទាប់ពីក្រុមរបស់ពួកគេផ្តួលក្រុមកំពុងលេងនៅក្របខណ្ឌលំដាប់ទី៤(League ២) Tranmere Rovers ក្នុងលទ្ធផល ៦:០។

ក្រុមរបស់លោក Jurgen Klopp នឹងជួបជាមួយនឹង Bradford City នៅថ្ងៃអាទិត្យខាងមុខនេះមុនពេលធ្វើដំណើរទៅកាន់សហរដ្ឋអាមេរិកដើម្បីប្រកួតត្រៀមបើករដូវកាលជាមួយ Borussia Dortmund, Sevilla, Sporting និង Napoli។ Liverpool និងត្រូវប្រកួតបញ្ចប់(Pre-season)មុនបើករដូវកាលជាមួយ Lyon នៅទីក្រុងហ្សឺណែវប្រទេសស្វីសមុនពេលវិលត្រឡប់ទៅអង់គ្លេសវិញដើម្បីជួបជាមួយ Manchester City ម្ចាស់ពានរង្វាន់ Premier League ដើម្បីប្រកួតយកពានរង្វាន់បើករដូវកាល Community Shield នៅកីឡដ្ឋាន Wembley នាថ្ងៃទី៤ ខែសីហា ២០១៩ ខាងមុខនេះ។

កែសម្រួលដោយ៖ Cambosport
ប្រភព៖ sportbible

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.