v9
V9BET

រកឃើញតម្រុយកៅអីហើយ! ប៉ុន្តែមិនទាន់ប្រាកដថាជាបំណែកយន្តហោះដឹក Emiliano Sala ទេ

6 months ago​ | ដោយ V-Dr

ក្រុមអ្នកស៊ើបអង្កេតបានរកឃើញកៅអីពីរដែលពួកគេជឿថាជាបំណែកមកពីយន្តហោះដែកដឹកកីឡាករ Emiliano Sala របស់ក្រុម Cardiff City នៅពេលវាបានបាត់ពីប្រព័ន្ធតាមដានរ៉ា ដានៅលើបណ្តាញអ៊ីធើណែតកាលពីថ្ងៃទី២១ មករា ២០១៩ មកម្លេះ។ ខ្នើយកៅអីពីរត្រូវបានយកមក លាងសំអាតដែលរកឃើញនៅលើតំបន់ដូចគ្នានៃឆ្នេរសមុទ្រនៅជិតទីក្រុង Normandy នៃ តំបន់ Surtainville ប្រហែល ៣០ម៉ៃល ពីទីតាំង ចុងក្រោយរបស់យន្តហោះមុនពេលបាត់ពីទំនាក់ទំនង។ មូលហេតុដែលឈានដល់ការរកឃើញកៅអីពូករបស់យន្តហោះនោះគឺ លោក Josette Bernard បានរកឃើញ នៅឆ្នេរ Surtainville។

បុរសវ័យ ៥៦ ឆ្នាំរូបនេះបានប្រាប់ទៅ MailOnline ថា : ខ្ញុំកំពុងដើរនៅតាមឆ្នេរសមុទ្រនៅរសៀលថ្ងៃសៅរ៍ប្រហែលម៉ោង ៤រសៀលក្រោយចំណាយពេលមួយម៉ោងនៅពេលដែលខ្ញុំបានឃើញវត្តុអ្វីមួយអណ្តែតនៅលើសមុទ្រ។ ខ្ញុំគិតថាវាជាធុងមួយ។ ប៉ុន្តែក្រោយយកមកពិនិត្យខ្ញុំទទួលស្គាល់ថាវាជាកៅអីខាងក្រោយរបស់យន្តហោះ។ ស្របពេលការិយាល័យស៊ើបអង្កេតគ្រោះថ្នាក់អាកាស (AAIB) បានជូនដំណឹងកាលពីថ្ងៃពុធថាពួកគេទទួលស្គាល់ថា វាជាបំណែកកៅអីមួយរបស់យន្តហោះពិតមែន ប៉ុន្តែមិនទាន់អាចកំនត់អត្តសញ្ញាណថាជាយន្តហោះដែលដឹកកីឡាករ Sala នោះទេ

ក្រុមគ្រួសាររបស់ខ្សែប្រយុទ្ធអាហ្សង់ទីន Sala បច្ចុប្បន្នកំពុងស្ថិតនៅក្នុងទ្វីបអឺរ៉ុបបន្ទាប់ពីប្រមូលប្រាក់ដើម្បី ស្វែងរកជនរងគ្រោះដោយប្រើប្រាស់សេវាឯកជនរបស់ពួកគេសម្រាប់តាមរកបំណែកយន្តហោះនិងជនរងគ្រោះបន្តទៀត។ ពួកគេនឹងសង្ឃឹមថាលទ្ធផលនេះជាជំហានដំបូងក្នុងការរកឱ្យឃើញនូវអ្វីដែលបានកើតឡើងចំពោះកីឡាករវ័យ ២៨ឆ្នាំនិងអ្នកបើកយន្តហោះដែលបានធ្វើដំណើរពី ទីក្រុង Nantes ប្រទេសបារាំង។ កាលពីថ្ងៃចន្ទម្តាយរបស់ Sala លោកស្រី Mercedes និងបងស្រី Romina បានធ្វើដំណើរពី Guernsey ឆ្ពោះទៅកាន់ តំបន់ដែលយន្តហោះរបស់ Sala បង្ហាញវត្តមានជាលើកចុងក្រោយ។

កែសម្រួលដោយ៖ Cambosport
ប្រភព៖ dailymail

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.