v9
V9BET

លោក Klopp សុំអភ័យទោស ក្រោយអបអរជ្រុលហួសហេតុ ក្នុង Liverpool ឈ្នះ

10 months ago​ | ដោយ V-Dr

លោក Jurgen Klopp បានសុំការអភ័យទោសសម្រាប់ការរត់ទៅកាន់ទីលានប្រកួតក្នុងអារម្មណ៍ដ៏រំភើបរីករាយ ក្រោយពីគ្រាប់បាល់ឈ្នះនៅជិតបញ្ចប់ការប្រកួតរបស់ Liverpool នៅពេលប្រកួតជាមួយនឹងក្រុម Everton នាកីឡដ្ឋាន Anfield បានជួយឲ្យពួកគេរក្សាការដេញតាមពីក្រោយក្រុម Manchester City យ៉ាងប្រកៀកនៅលើតារាងក្របខ័ណ្ឌ Premier League។

ការប្រកួតនេះហាក់ដូចជាត្រូវបញ្ចប់ក្នុងលទ្ធផលស្មើ ០-០ ទៅហើយ រហូតដល់នាទីទី៩៦ ដែលនៅពេលនោះ Virgil van Dijk បានស៊ុតបាល់សំដៅទីរបស់ក្រុម Everton ខណៈដែលបាល់នោះហាក់នឹងត្រូវហោះឡើងទៅលើ។ ប៉ុន្តែ អ្នកចាំទី Jordan Pickford របស់ក្រុម Everton បានកាត់សេចក្តីខុស ហើយស្របពេលដែលបាល់ហាក់ដូចជាត្រូវប៉ះទៅនឹងរបារទី អ្នកចាំទីរបស់អង់គ្លេសរូបនេះ បានរុញបាល់ចេញ និងធ្លាក់ចំក្បាល់របស់ Divock Origi ដែលបានស៊ុតបាល់បំប៉ោងសំណាញ់ទីយ៉ាងងាយ ដើម្បីជួយឲ្យក្រុមខ្លួនទទួលជ័យជម្នះ ១-០ កាលពីថ្ងៃអាទិត្យតែម្តង។

លោក Klopp បានប្រាប់ទូរទស្សន៍ Sky Sports ថា៖ «ខ្ញុំត្រូវតែសុំការអភ័យទោស ពីព្រោះខ្ញុំមិនចង់គ្មានការគោរពឡើយ ប៉ុន្តែ ខ្ញុំមិនអាចបញ្ឈប់ខ្លួនឯងបានទេ។ វាបានបកើត។ ការប្រកួតនោះមានភាពស្វិតស្វាញដ៏មិនគួរឲ្យ។ ក្រុមទាំង២ មានឱកាសដូចគ្នា។ អ្នកចាំទីទាំង២ក្រុម បានបំពេញតួនាទីយ៉ាងល្អ។ ទីបំផុត វាបានក្លាយជាគ្រាប់បាល់ដ៏ចម្លែកមួយ»៕

កែសម្រួលដោយ៖ Cambosport
ប្រភព៖ Channel News Asia

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.