v9
V9BET

Ozil ថា ខ្លួននៅតែជាអ្នកគាំទ្រក្រុមអាល្លឺម៉ង់ បើទោះបីចាកចេញយ៉ាងជូរចត់

9 months ago​ | ដោយ V-Dr

ខ្សែបម្រើ Mesut Ozil របស់ក្លិប Arsenal បានសន្យាថា នៅតែរក្សាការគាំទ្រក្រុមជម្រើសជាតិអាល្លឺម៉ង់ បើទោះបីមានភពជូរចត់រវាងភាគីទាំង២ ជុំវិញការចូលនិវត្តន៍របស់គេពីកីឡាបាល់ទាត់អន្តរជាតិក៏ដោយ។ Ozil បានឆ្លើយតបទៅនឹងការចោទសួរ និងឆ្លើយ នៅមុនពេលការប្រកួតក្របខ័ណ្ឌ Europa League របស់ក្រុម Arsenal ជាមួយនឹងក្រុម Sporting Lisbon ថា៖ «ខ្ញុំតែងតែគាំទ្រក្រុមជម្រើសជាតិអាល្លឺម៉ង់ ចាប់តាំងពីខ្ញុំនៅក្មេងមកម្ល៉េះ ហើយខ្ញុំនៅតែមានមិត្តភ័ក្តិជាច្រើនដែលលេងឲ្យក្រុមជម្រើសជាតិអាល្លឺម៉ង់។ ពិតណាស់ ខ្ញុំនៅតែគាំទ្រក្រុមមួយនេះ»។

Ozil បានក្លាយជាសមាជិកដ៏សំខាន់ម្នាក់ក្នុងពេលក្រុមជម្រើសជាតិអាល្លឺម៉ង់ ឈ្នះពាន World Cup ឆ្នាំ២០១៤។ ប៉ុន្តែ ខ្សែបម្រើដែលបានបង្ហាញខ្លួនជាអន្តរជាតិ ៩២លើករូបនេះ បានចូលនិវត្តន៍ពីកីឡាបាល់ទាត់អន្តរជាតិ ក្រោយពីការធ្លាក់ចេញយ៉ាងអាម៉ាសរបស់អាល្លឺម៉ង់ ពីយុទ្ធនាការ World Cup ជុំផ្តាច់ព្រ័ត្រនៅរុស្ស៊ី កាលពីរដូវកាលមុន ដោយបង្ហើបពី «ការមិនគោរព និងការរើសអើងជាតិសាសន៍» ក្នុងសហព័ន្ធកីឡាបាល់ទាត់អាល្លឺម៉ង់ (DFB)។ Ozil ដែលកើតក្នុងប្រទេសអាល្លឺម៉ង់ជាមួយនឹងឪពុកម្តាយជាជនជាតិតួកគីនោះ បានរងនូវការរិះគន់បែបរើសអើងជាតិសាសន៍។

ក្នុងរយៈពេលប៉ុន្មានខែមុន កីឡាករវ័យ៣០ឆ្នាំរូបនេះ បានបង្កើតឲ្យមានភាពចម្រូងចម្រាស់ផ្សេងៗ នៅពេលដែលរូបគេ និងខ្សែបម្រើ Ilkay Gundogan របស់ក្លិប Manchester City ដែលមានឈាមជ័រជាជនជាតិតួកគីដែរនោះ បានថតរូបជាមួយនឹងប្រធានាធិបតីរបស់តួកគីគឺលោក Recep Tayyip Erdogan នៅមុនពេលយុទ្ធនាការ World Cup៕

កែសម្រួលដោយ៖ Cambosport
ប្រភព៖ Channel News Asia



ពេលនេះលោកអ្នកអាចប្រើប្រាស់កម្មវិធី V9BET តាមរយះទូរស័ព្ទដៃ យ៉ាងងាយស្រួល លឿននិងរហ័ស
ពត័មានបន្ថែម: www.v9cambodia.com/lc2019

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.