v9

Iniesta និង Torres ចាកចេញពី Barca និង Atletico ជាមួយនឹងភាពរីករាយដូចគ្នា

3 months ago​ | ដោយ V-Dara

កីឡាករដ៏ឆ្នើមពីរនាក់របស់អេស្ប៉ាញ បាននិយាយថា លាហើយទៅកាន់ក្លិបពីកុមារភាពរបស់គេ កាលពីថ្ងៃអាទិត្យ ខណៈដែល Andres Iniesta បានចាកចេញពីក្លិប Barcelona ហើយខ្សែប្រយុទ្ធ Fernando Torres បានលើកដៃលាទៅកាន់ក្លិប Aletico Madrid។ Torres បានស៊ុតបាល់បញ្ចូលទី ២គ្រាប់ នៅថ្ងៃនៃការបង្ហាញខ្លួនជាលើកចុងក្រោយរបស់គេសម្រាប់ Atletico បើទោះបីការទទួលបានកាតក្រហមរបស់ Lucas Hernandez បានជួយឲ្យក្រុម Eibar ដណ្តើមបានលទ្ធផលស្មើ ២-២ នៅថ្ងៃប្រកួតនៃក្របខ័ណ្ឌ La Liga នារដូវកាលនេះក៏ដោយ។

ស្របពេលជាមួយគ្នានេះ ការចំណាយពេល ២២ឆ្នាំរបស់ Iniesta ជាមួយនឹងក្លិប Barcelona បានបញ្ចប់ជាមួយនឹងការដណ្តើមបានជ័យជម្នះមួយនៅថ្ងៃចុងក្រោយ ខណៈដែលខ្សែបម្រើដ៏មានឥទ្ធិពល Philippe Coutinho បានរកគ្រាប់បាល់កាត់សេចក្តីក្នុងពេលក្រុម Barcelona ដណ្តើមបានជ័យជម្នះ ១-០ លើក្រុម Real Sociedad។ ជាមួយនឹងដំណក់ទឹកភ្នែកក្នុងភ្នែករបស់គេ Iniesta បានដើរចេញពីទីលានប្រកួតក្រោមការទះដៃលើកទឹកចិត្តយ៉ាងខ្លាំងពីកីឡដ្ឋាន Camp Nou នៅតង់ទី២ ក្រោយពីបានដោះបូប្រធានក្រុមចេញពីដៃរបស់គេ ដើម្បីប្រគល់ទៅឲ្យតារាឆ្នើម Lionel Messi។

Iniesta បាននិយាយទៅកាន់អ្នកគាំទ្ររបស់ខ្លួនថា៖ «វាជាថ្ងៃដ៏លំបាកមួយ។ ប៉ុន្តែ វាបានក្លាយជារយៈពេល២២ឆ្នាំដ៏អស្ចារ្យមួយ។ វាបានក្លាយជាសិទ្ធិមួយ និងការរីករាយមួយក្នុងការការពារ និងតំណាងឲ្យក្លិបនេះ។ ខ្ញុំនឹងចងចាំអ្នកក្នុងបេះដូងរបស់ខ្ញុំជានិច្ច»៕

វីឌីអូហាយឡាយការប្រកួតទាំងពីរ

កែសម្រួលដោយ៖ Cambosport
ប្រភព៖ Channel News Asia

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.