v9

Borussia Dormund ចង់បានខ្សែប្រយុទ្ធ Morata មករួមក្រុម

3 months ago​ | ដោយ V-Dara

អនាគតរបស់ខ្សែប្រយុទ្ធ Alvaro Morata ហាក់ស្ថិតនៅក្នុងភាពមិនច្បាស់លាស់ ខណៈខ្សែប្រយុទ្ធក្រុមតោខៀវ Chelsea ត្រូវបានក្លឹបធំនៅតំបន់អឺរ៉ុបមានចំណាប់អារម្មណ៏ចង់បានរូបគេមករួមក្រុម យោងតាមការចុះផ្សាយរបស់ Bild បានអោយដឹងកាលពីកាលពីថ្ងៃពុធថាៈ ក្រុម Borussia Dortmund ស្ថិតក្នុងចំណោមក្លឹបដែលកំពុងតាមប្រម៉ាញ់កីឡាករអន្តរជាតិអេស្ប៉ាញរូបនេះដើម្បីមករួមក្រុមនៅរដូវក្តៅខាងមុខនេះ។

ក្លឹប Dortmund ចង់បានកីឡាករ ៥នាក់នៅរដូវក្តៅនេះពោលគឺកីឡាករខ្សែការពារ ៣នាក់ខ្សែបម្រើម្នាក់ និងខ្សែប្រយុទ្ធលំដាប់កំពូល ១រូប។ កីឡាករ Morata វ័យ ២៥ឆ្នាំមានកិច្ចសន្យាមួយនៅ Chelsea រហូតដល់ឆ្នាំ២០២២ ជាបេក្ខភាពកីឡាករសក្តិសមនឹងទម្រង់លេងដែលពួកគេកំពុងស្វែងរក។

Dortmund អាចនឹងត្រៀមខ្លួនរួចជាស្រេចដើម្បីចំណាយប្រាក់ ៨០លានអ៊ឺរ៉ូដើម្បី បើកកិច្ចចរចាជាមួយក្រុមតោខៀវ Chelsea ស្របពេលដែលក្រុមទាំងពីរ មានទំនាក់ទំនងល្អនឹងគ្នា ខណៈដែល Chelsea បានព្រមអោយ Michy Batshuayi ទៅលេងនៅក្រុម Dormund ក្នុងលក្ខ័ណ្ឌខ្ចីជើងកាលពីដើមឆ្នាំ២០១៨ ។ Batshuayi ខ្សែប្រយុទ្ធសញ្ជាតិបែលហ្ស៊ិកស៊ុតបានបង្ហាញទម្រង់លេងយ៉ាងល្អជាមួយការស៊ុតបញ្ចូលទីបាន ៧គ្រាប់ក្នុងការបង្ហាញខ្លួន ១០ប្រកួត ប៉ុន្តែរូបគេបានរងរបួសមុនបញ្ចប់រដូវកាល Bundesliga(២០១៧-២០១៨)នេះ។

ក្រុម Dortmund ត្រូវខិតប្រឹងប្រែងបញ្ចុះបញ្ចូល Morata ព្រោះក្នុងចំនោមនោះក្រុម មានការប្រកួតប្រជែងពី សំណាក់ក្រុម Juventus ខណៈដែលម្ចាស់ជើងឯក SerieA មានជំនឿថាទាំងខ្សែប្រយុទ្ធ Higuaín និងខ្សែបម្រើ Mandzukic អាចនឹងចាកចេញក្រុមមានមូលដ្ឋាននៅទីក្រុង Turin នារដូវក្តៅនេះ ស្របពេលក្រុមកំពុងសម្លឹងឃើញការនាំយកអតីតខ្សែប្រយុទ្ធ Morata អាចនិងវិលមករួមក្រុមវិញ ក្រោយពេលរូបគេធ្លាប់ចំណាយពេល ២ឆ្នាំលេងនៅក្រុម Juventus កន្លងមក។

កែសម្រួលដោយ៖ Cambosport
ប្រភព៖ Sport-English

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.