v9

ក្លឹបធំៗ ៣ កំពុងចាប់អារម្មណ៏ចង់បាន Hector Bellerin របស់ Arsenal

6 months ago​ | ដោយ V-Dara

Hector Bellerin នឹងត្រៀមផ្លាស់ចេញពីក្រុមកាំភ្លើងធំ Arsenal នៅរដូវក្តៅខាងមុខ។ អតីតកីឡាករយុវជនក្លឹប Barcelona FC រូបនេះកំពុងមានរដូវកាលរង្គោះរង្គើរនៅកីឡាដ្ឋាន Emirate Stadium នារដូវកាលនេះ។

ទោះបីជាយ៉ាងណាមានក្លឹបធំៗនៅអ៊ឺរ៉ុបចង់ ចុះហត្ថលេខាជាមួយកីឡាករសញ្ជាតិអេស្បាញរូបនេះ ខណៈដែលក្រុម Arsenal កំពុងត្រៀមរៀបចំផែនកែប្រែ និងរុះរើទម្រង់លេងរបស់ក្រុមឡើងវិញ ក្រោយការចាកចេញរបស់លោក Arsene Wenger។ អ្វីគ្រប់យ៉ាងបង្ហាញថាក្រុមកាំភ្លើងធំត្រូវការសាច់ប្រាក់យ៉ាងច្រើនហើយ Bellerin មានតម្លៃប្រហែល ៤០លានអឺរ៉ូ។ ដូច្នេះកីឡាករវ័យ ២៣ឆ្នាំរូបនេះគឺជាជម្រើសមួយដ៏ល្អបំផុតរបស់ពួកគេដើម្បីលក់ចេញ។

អតីតខ្សែការពាររបស់ក្លឹប Catalan រូបនេះត្រូវបានក្រុមចាស់គឺ Barcelona ចង់បានរូបគេត្រលប់ទៅមក្រុមវិញកាលពីរដូវក្តៅឆ្នាំមុន ប៉ុន្តែទីបំផុតក្រុមបាននាំយកខ្សែការពារសញ្ជាតិព័រទុយហ្គាល់ Nelson Semedo មកជំនួសវិញ។ Juventus ជាក្លឹបមួយបានសម្តែងការចាប់អារម្មណ៏លើ Bellerin ខណៈក្រុមការពារតំណែងជើងឯក SerieA មួយនេះ មិនទាន់អាចរកឃើញអោយប្រាកដនៅខ្សែការពារស្ដាំណាមួយដែលមានឥទ្ធិពល និងជួយក្រុមបានច្រើននៅឡើយ ទោះបីជាបច្ចុប្បន្នមានកីឡាករដូចជាៈ Lichtsteiner, Cuadrado, De Sciglio, និង Howedes ក៏ដោយចុះ។យ៉ាងណាមិញ Bellerin ត្រូវបានក្រុម Juventus សង្ឍឹមថាអាចជួយពួកគេធ្វើឱ្យប្រសើរឡើងនៅពេលខាងមុខ។

ក្លឹបមួយទៀតមានចំណាប់អារម្មណ៍គឺក្រុមតោខៀវ Chelsea ខណៈដែលអនាគតរបស់គ្រូបង្វឹកលោក Antonio Conte កំពុងជួបភាពមិនច្បាស់លាស់នៅឡើយទេ។ ក្រុមបិសាចក្រហម Man.United គឺជាក្លឹបដែលមានខ្សែការពារ ៥នាក់រូចទៅហើយ ប៉ុន្តែ Bellerin គឺជាបេក្ខភាពមួយដែលអាចផ្លាស់ទៅលេងនៅទីនោះបានផងដែរ។

កែសម្រួលដោយ៖ Cambosport
ប្រភព៖ sport-english

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.