v9

Bolt ត្រូវប៉ះតារាចម្រៀង Williams ក្នុងការប្រកួតបាល់ទាត់សប្បុរសធម៌របស់ UNICEF

4 months ago​ | ដោយ V-Dara

ម្ចាស់មេដាយមាសអូឡាំពិកច្រើនជំនាន់ Usain Bolt នឹងត្រូវចូលលេងដើម្បីប៉ះជាមួយនឹងតារាចម្រៀងចក្រភពអង់គ្លេស Robbie Williams ក្នុងការប្រកួតកីឡាបាល់ទាត់សប្បុរសធម៌មួយនាកីឡដ្ឋាន Old Trafford របស់ក្រុម Manchester United។

នេះបើយោងទៅតាមការបញ្ជាក់របស់កីឡាកររត់ប្រណាំងសញ្ជាតិហ្សាម៉ាអ៊ីករូបនេះ កាលពីថ្ងៃអង្គារម្សិលមិញ។ ខណៈដែលបច្ចុប្បន្នកំពុងតែចូលនិវត្តន៍ពីការប្រកួត Bolt បានបង្កើតឲ្យមានការចាប់អារម្មណ៍មួយនៅលើបណ្តាញសង្គម Twitter កាលពីថ្ងៃចន្ទ តាមរយៈការអះអាងថា រូបគេបានចុះហត្ថលេខាជាមួយនឹងក្លិបកីឡាបាល់ទាត់មួយ ហើយនិងធ្វើការប្រកាសជាផ្លូវការក្នុងរយៈពេល ២៤ម៉ោងទៀត។ ប៉ុន្តែ ក្រុមថ្មីរបស់គេមានឈ្មោះថា Soccer Aid World XI ដែលជាក្រុមប្រជុំដោយតារាល្បីៗ ដែលត្រូវបានបង្កើតឡើងដើម្បីរ៉ៃអង្គាសប្រាក់សម្រាប់មូលដ្ឋានកុមាររបស់អង្គការសហប្រជាជាតិ UNICEF។

Bolt មិនត្រឹមតែចូលលេងក្នុងកីឡាបាល់ទាត់ប៉ុណ្ណោះទេ ប៉ុន្តែ រូបគេក៏ចូលលេងក្នុងនាមជាប្រធានក្រុមផងដែរ ខណៈដែលតារាចម្រៀង Williams នឹងត្រូវតំណាងឲ្យក្រុមអង់គ្លេសក្នុងក្រុមជាគូបដិបក្ខ។ ក្នុងនិយាយជាសាធារណៈដែលត្រូវបានផ្សាយបន្តដោយ Bolt វ័យ៣១ឆ្នាំ នៅលើបណ្តាញសង្គម Twitter របស់គេកាលពីថ្ងៃអង្គារថា Williams ដែលត្រូវពាក់អាវរបស់អង់គ្លេស បានបញ្ជាក់ថា ការប្រកួតនេះ នឹងមានតារាល្បីៗជាច្រើនសម្រាប់ការប្រកួតរបស់ក្រុម Soccer Aid World XI។ ការប្រកួតនេះនឹងប្រព្រឹត្តទៅនៅថ្ងៃទី១០ ខែមិថុនា នៅមុនពេលព្រឹត្តិការណ៍ World Cup ចាប់ផ្តើមប្រកួតនៅប្រទេសរុស្ស៊ី៕

កែសម្រួលដោយ៖ Cambosport
ប្រភព៖ Channel News Asia

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូមទំនាក់ទំនងមកកាន់លេខៈ 093 77 93 77