v9

Eriksen រកគ្រាប់បាល់តាមស្មើដើម្បីបំពេញការវាយបកសម្រាប់ Spurs លើទឹកដី Juventus

11 months ago​ | ដោយ V-Dr

Harry Kane និង Christian Eriksen បានជួយឲ្យក្រុម Tottenham វិលទៅកាន់ផ្លូវល្អប្រសើរឡើងវិញ ដើម្បីតាមស្មើក្រុម Juventus ក្នុងលទ្ធផល ២-២ ក្នុងទីក្រុង Turin ដើម្បីលុបចោលគ្រាប់បាល់ដ៏ល្អរបស់ខ្សែប្រយុទ្ធ Gonzalo Higuain ក្នុងការប្រកួតក្របខ័ណ្ឌ Champions League វគ្គ១៦ក្រុមចុងក្រោយជើងទី១ កាលពីថ្ងៃអង្គារ។

Higuain បានជួយឲ្យក្រុម Juventus ដែលជាម្ចាស់ជើងឯករង២សម័យកាលក្នុងរយៈពេល៣រដូវកាលចុងក្រោយនេះ មានគ្រាប់បាល់នាំមុខ២គ្រាប់មុន ក្នុងរយៈពេលត្រឹមតែ៩នាទីដំបូង។ គ្រាប់បាល់បញ្ចូលទីយ៉ាងល្អរបស់ខ្សែប្រយុទ្ធអន្តរជាតិអាហ្សង់ទីនរូបនេះ បានកើតឡើង ក្រោយពីលេងបានរយៈពេល៧៥វិនាទី មុននឹងបន្ថែមគ្រាប់បាល់១គ្រាប់ទៀតពីការស៊ុតបាល់ប៉េណាល់ទី។ Kane បានវាយបក១គ្រាប់វិញ នៅនាទី ទី៣៥ ក្រោយពីទទួលបាល់ពីការបញ្ជូនយ៉ាងល្អរបស់ Dele Alli មុននឹងអូសបាល់ដាច់អ្នកចាំទី Gianluigi Buffon ដើម្បីស៊ុតបាល់បំប៉ោងសំណាញ់ទីយ៉ាងល្អ។

ខ្សែបម្រើអន្តរជាតិដាណឺម៉ាក Eriksen បានជួយឲ្យក្រុមរបស់ខ្លួនតាមស្មើវិញនៅនាទី ទី៧០ តាមរយៈការស៊ុតបាល់ពិន័យ Free-kick ក្រោយពីខ្សែការពារកណ្តាល Giorgio Chiellini បានប្រព្រឹត្តកំហុសទៅលើ Alli។ គ្រាប់បាល់ក្រៅដីទាំង២គ្រាប់នេះ បានធ្វើឲ្យក្រុម Spurs ស្ថិតក្នុងទីតាំងដ៏រឹងមាំមួយ នៅមុនពេលឈានទៅប្រកួតជើងទី២ នាថ្ងៃទី៧ ខែមិនា នាកីឡដ្ឋាន Wembley ក្នុងទីក្រុងឡុងដ៍៕

កែសម្រួលដោយ៖ Cambosport
ប្រភព៖ Channel News Asia

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.