v9

លោក Ryan Giggs: Gareth Bale រីករាយបន្តលេងអោយ Real Madrid

9 months ago​ | ដោយ V-Dara

គ្រូបង្វឹកថ្មីរបស់ក្រុមជម្រើសជាតិ Wales លោក Ryan Giggs បាននិយាយថា Gareth Bale រីករាយជាមួយនឹងក្រុម Real Madrid ហើយនឹងមិនចាកចេញពីក្លឹបឡើយ។

មានការតាមដាន និងចុះផ្សាយជាប្រចាំលើពត៌មាន ដែលទាក់ទង Bale ជាមួយនឹងការផ្លាស់ពីកីឡាដ្ឋាន Santiago Bernabeu ទៅកាន់ទឹកដី Old Trafford របស់ Man.United ខណៈអាជីពរបស់តារាវេលស៍រូបនេះបានប្រឈមនឹងបញ្ហាញាំញីដោយសាររបួសជាច្រើនខែកន្លងមក។

Bale បង្ហាញខ្លួនត្រឹមតែ ១០លើកប៉ុណ្ណោះនៅរដូវកាលនេះ ប៉ុន្តែសមត្ថភាពលេងរបស់អតីតកីឡាករក្រុម Tottenham រូបនេះនៅតែបង្ហាញថារូបគេបានវិលទៅរកភាពខ្លាំងវិញ ជាមួយនឹងគ្រាប់បាល់ស៊ុតបញ្ចូលទី២គ្រាប់ក្នុងការប្រកួតដណ្តើមយក៣ពិន្ទុ លើក្រុម Deportivo La Coruna ដោយលទ្ធផល ៧:១ និងបន្តជួយ Real Madrid ឈ្នះ Valencia ៤-១ ។

Giggs បាននិយាយប្រាប់ Marca ថា៖ “គាត់សប្បាយរីករាយនៅក្រុម Real Madrid គាត់(Bale)ចង់ស្នាក់នៅដោយគ្មានការសង្ស័យគាត់ដឹងថាគ្រូបង្វឹកនិងក្លឹបគោរពគាត់ ហើយគាត់ចង់បង្ហាញអ្នកគាំទ្រអំពីអ្វីដែលគាត់មានសមត្ថភាព” ។ “Bale គ្មានចេតនាចាកចេញទេ ហើយ Real Madrid នឹងមិនលក់កីឡាករនោះទេ ព្រោះវាច្បាស់ណាស់ថាក្រុម Man United ពិតជាល្អណាស់សម្រាប់គាត់ ប៉ុន្តែខ្ញុំគិតថាវាមិនមែនជាជម្រើសនៅពេលនេះទេ ហើយគាត់នឹងមិនចាកចេញពី Real Madrid ជាដាច់ខាត“។

កែសម្រួលដោយ៖ Cambosport
ប្រភព៖ sportskeeda

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.