v9
V9BET

Ozil ក្លាយជាកីឡាករទទួលបានចំណូលខ្ពស់ជាងគេបំផុតនៅ Arsenal ក្រោយយល់ព្រមបន្តកុងត្រាថ្មី

1 year ago​ | ដោយ V-Dr

ខ្សែបម្រើស្លាបអន្តរជាតិអាល្លឺម៉ង់ Mesut Ozil បានធ្វើឲ្យក្រុម Arsenal មានការជឿជាក់ដ៏ធំមួយ កាលពីថ្ងៃពុធ តាមរយៈការយល់ព្រមបន្តកុងត្រាថ្មីមួយ ដែលនឹងធ្វើឲ្យរូបគេក្លាយជាកីឡាករទទួលបានចំណូលខ្ពស់ជាងគេបំផុតក្នុងប្រវត្តិសាស្ត្ររបស់ក្លិបនេះ។

នេះបើយោងទៅតាមបណ្តញសារព័ត៌មាន BBC។ ទូរទស្សន៍របស់អង់គ្លេសមួយនេះបានចេញផ្សាយថា តារាឆ្នើម Ozil វ័យ២៩ឆ្នាំ ដែលបានស្ថិតនៅជាមួយនឹងក្លិបកាំភ្លើងធំ ចាប់តាំងពីផ្ទេរមកពីក្លិប Real Madrid ក្នុងតម្លៃខ្លួនជាកំណត់ត្រារបស់ក្លិបកាលនោះចំនួន ៤២,៤លានផោន (ស្មើនឹង៦០លានដុល្លារអាមេរិក) កាលពីឆ្នាំ២០១៣នោះ បានចុះហត្ថលេខាលើកុងត្រារយៈពេល៣ឆ្នាំកន្លះ ហើយនិងទទួលបានចំណូល ៣៥ម៉ឺនផោន ក្នុងមួយសប្តាហ៍ (ស្មើនឹង៤៩,៧ម៉ឺនដុល្លារ) ក្នុងមួយសប្តាហ៍។ ពាក្យចរចាមអារ៉ាមផ្សេងៗជុំវិញអនាគតរបស់ Ozil និងខ្សែប្រយុទ្ធអន្តរជាតិស៊ីលី Alexis Sanchez បានរំខានដល់ក្លិបនេះជិតរយៈពេល១ឆ្នាំរួចមកហើយ ខណៈដែលកិច្ចសន្យារបស់ពួកគេនឹងផុតកំណត់នៅចុងរដូវកាលនេះ។

ប៉ុន្តែ ស្របពេលដែល Sanchez បានចេញទៅចូលរួមជាមួយនឹងក្លិប Manchester United ដោយទទួលបានចំណូល៥០ម៉ឺនក្នុងមួយសប្តាហ៍ មុនពេលកាត់ពន្ធ Ozil បានបន្តនៅជាមួយនឹង Arsenal រហូតដល់ឆ្នាំ២០២១។ បើយោងទៅតាម BBC ភាគីទាំងពីរបានឈានដល់ការព្រមព្រៀងគ្នាកាលពីចុងសប្តាហ៍មុន ហើយ Ozil បានចុះហត្ថលេខាលើកុងត្រាថ្មីនៅលើទីលានហ្វឹកហាត់របស់ក្លិប Arsenal កាលពីថ្ងៃពុធ៕

កែសម្រួលដោយ៖ Cambosport
ប្រភព៖ Channel News Asia

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.