v9

Jermain Defoe ឈ្នះពានគ្រាប់បាល់ស៊ុតបញ្ចូលទីល្អបំផុតប្រចាំខែធ្នូ

3 months ago​ | ដោយ V-Dara

អតីតខ្សែប្រយុទ្ធជើងចាស់ក្រុមជម្រើសជាតិអង់គ្លេស Jermain Defoe បច្ចុប្បន្នលេងអោយក្រុម Bournemouth បានឈ្នះពានផ្ទាល់ខ្លួនគឺៈគ្រាប់បាល់ស៊ុតបញ្ចូលទីល្អ បំផុតប្រចាំខែធ្នូ(Goal of the month award) ក្នុងចំណោមគ្រាប់បាល់ ២គ្រាប់ដែលរូបគេធ្វើបាន ក្នុងជំនួបជាមួយក្រុមស្ទាំងខៀវ Crystal Palace កាលពីខែមុន។ អតីតខ្សែប្រយុទ្ធក្រុម Tottenham រូបនេះស៊ុតបាល់ចេញពីជ្រុងខាងស្តាំដែលអាចនិយាយបានថាស្ទើរតែអស់មុំស៊ុតទៅហើយនោះ បញ្ចូលទីក្រុម Crystal Palace ក្នុងជំនួបស្មើគ្នារវាងក្រុម ទាំងពីរ គឺ Bournemouth ២:២ Crystal Palace កាលពីថ្ងទី៩ ខែធ្នូ ២០១៧ កន្លងទៅនេះ។ Defoe គឺជាកីឡាករទីពីររបស់ក្រុមដែលមានមូលដ្ឋាននៅភាគខាងត្បូងប្រទេសអង់គ្លេសដែលបានឈ្នះពាននេះ។

Defoe ខ្សែប្រយុទ្ធវ័យ៣៥ឆ្នាំរបស់ក្រុម Bournmemouth រូបនេះបានផ្ទេរពីក្រុម Sunderland ដែលត្រូវកាត់ចេញទៅលេងនៅក្របខណ្ឌ ChampionShip មកបន្តកិច្ចសន្យាជាមួយក្រុម Bournemouth ចំនួន ៣ឆ្នាំកាលពីដើមរដូវកាល និងបច្ចុប្បន្ន រកគ្រាប់បាល់បញ្ចូលទីអោយក្រុមបាន ៣គ្រាប់ហើយ។

កែសម្រួលដោយ៖ Cambosport
ប្រភព៖ dailymail

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូមទំនាក់ទំនងមកកាន់លេខៈ 093 77 93 77