v9

N’Golo Kante ជាប់ឈ្មោះជាកីឡាករលេងល្អរបស់បារាំង សម្រាប់ឆ្នាំ2017

7 months ago​ | ដោយ V-Dara

ខ្សែបម្រើក្រុមតោខៀវ Chelsea កីឡាករ N’Golo Kante វ័យ 26ឆ្នាំ បានផ្តួលមិត្តរួមជាតិកីឡាករ Paul Pogba របស់ក្រុម Man.United និង Kylian Mbappe របស់ក្រុម PSG ដើម្បីឈ្នះពានកីឡាករលេងល្អរបស់បារាំងសម្រាប់ឆ្នាំ2017 នេះ ខណៈពេលរដូវកាលនោះ ខ្សែប្រយុទ្ធ Antoine Griezmann របស់ក្រុម At.Madrid បានជាប់ឈ្នោះជាកីឡាករលេងល្អបំផុតរបស់បារាំងផងដែរ។

Kante បានទទួលការគាំទ្រចំនួន 92សម្លេងដើម្បីឈ្នះពានដែលប្រគល់ដោយ France Football ខណៈមិត្តរួមជាតិសិស្សប្អូនកីឡាករ Mbappe វ័យ 19ឆ្នាំទទួលបានការគាំទ្រ 87សម្លេង ខណៈខ្សែប្រយុទ្ធក្រុមស្តេចស Real Madrid ដែលមិនបានជាប់ជម្រើសជាតិបារាំងអស់ជាច្រើនកម្មវិធីប្រកួតកន្លងមកស្ថិតនៅចំណាត់ថ្នាក់លេខ3 មាន 52សម្លេង។

អតីតខ្សែបម្រើក្រុម Leicester City រូបនេះ បានទទួលពានផ្ទាល់ខ្លួនប្រកបដោយកិត្តិយសនេះ ផងដែរពីការបោះឆ្នោតគាំទ្រក្នុងចំនោមនោះមានដូចជាកីឡាករ Antoine Griezmann និង អ្នកចាត់ការទូទៅក្រុមមាន់គកបារាំងលោក Didier Deschamp និងអតីតប្រធានសហព័ន្ធបាល់ទាត់ទ្វីបអឺរ៉ុប UEFA លោក Michael Platini និងពីទស្សនាវដ្តីមួយចំនួនទៀត បន្ទាប់ពីជួយក្រុម Leicester City ឈ្នះពានរដូវកាល(2015-2016) និងបានបន្តជួយក្រុម Chelsea លើកពានរដូវកាល(2016-2017)។

សម្រាប់ឆ្នាំ2017 នេះ Kante បានជាប់ឈ្មោះជា 1.PFA Player of the Year, 2.WA Football of the Year, 3.Chelsea Player of the Year និង 4.Premier League Team of the Season ផងដែរ។

កែសម្រួលដោយ៖ Cambosport
ប្រភព៖ thesun

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.