v9
V9BET

Ozil ទម្លាយប្រាប់ការពិតថា ខ្លួនចង់ទៅ Man Utd មែនទែនហើយ

2 years ago​ | ដោយ V-Dr

ខ្សែបម្រើនាំលេងកំពុងមានអនាគតយ៉ាងស្រពិចស្រពិលកីឡាករ Mesut Ozil មានគំនិតចង់អោយអតីតគ្រូបង្វឹកលោក Jose Mourinho នាំយករូបគេចេញពីក្រុម Arsenal ដើម្បីជួបជុំគ្នាសាជាថ្មីជាមួយអ្នកចាត់ការកំពុងដឹកនាំក្រុម Manchester United រូបនេះ នៅពេលកិច្ចសន្យារបស់គេអស់សុពលភាពនៅបំណាច់រដូវកាល(2017-2018)ខាងមុខនេះ។

គេហទំព័រ Sportsmail បានចុះផ្សាយថាកីឡាករសមាជិកក្រុមជម្រើសជាតិអាល្លឺម៉ង់រូបនេះបានប្រាប់មិត្តភ័ក្ដិខ្លួនដោយមានជំនឿជឿជាក់លោក Mourinho ត្រៀមនាំយករូបគេទៅរួមក្រុមនៅពហុកីឡាដ្ឋាន Old Trafford ស្របពេលដែលរូបគេមិនទាន់បានបន្តកិច្ចសន្យាថ្មីនៅឡើយ ហើយរូបគេនិងផ្ទេរចេញដោយគ្មានតម្លៃខ្លួន(Free Transfer)ប្រសិនជាមិនបន្តកិច្ចសន្យាដល់ក្រុមរហូតដល់បំណាច់រដូវកាលនេះ។

ក្រុមជើងឯក FA Cup គឺ Arsenal និងមិនទទួលបានប្រាក់ពីអតីតកីឡាករក្រុម Real Madrid រូបនេះសូម្បីមួយដុល្លាឡើយ ប្រសិននៅតែបណ្តែតបណ្តោយចង់រក្សាកីឡាករវ័យ 29ឆ្នាំនេះទុកដល់ចប់រដូវកាល។ បច្ចុប្បន្នគ្រូបង្វឹកលោក Arsène Wenger កំពុងមមាញឺក ញាប់ដៃញាប់ជើងត្រៀមលក់ Ozil ចេញ ប្រសិនបើការចរចារបរាជ័យជាលើកចុងក្រោយ ព្រោះឪកាសសម្រាប់បានទទួលប្រាក់ខ្លះវិញគឺមានតែពេលទី ផ្សារដោះដូរនៅខែ មករា 2018 ខាងមុខនោះប៉ុណ្ណោះ។

កែសម្រួលដោយ៖ Cambosport
ប្រភព៖ Dailymail

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.