v9

គ្រូបង្វឹក Man.City ឧទ្ទិសជ័យជម្នះលើក្រុម Napoli ដល់មេដឹកនាំផ្ដាច់ខ្លួនកាតាឡាន់ដែលកំពុងជាប់ឃុំ

1 year ago​ | ដោយ V-Dara

អ្នកចាត់ការទូទៅក្រុមមេឃខៀវ Man City លោក Pep Guardiola បានឧទ្ទិសជ័យជម្នះកាលពីយប់មិញដោយលទ្ធផល 2-1 លើក្រុមកំពូលតារាង SerieA គឺក្រុម Napoli ក្នុងការប្រកួតដណ្តើមពាន Champions League យប់ថ្ងៃអង្គារ 17ខែតុលា​ ឆ្នាំ2017 ដល់មេដឹកនាំក្រុមផ្ដាច់ខ្លួន កាតាឡាន់ 2រូបដែលកំពុងជាប់ឃុំឃាំងក្នុងប្រទេសអេស្ប៉ាញ។

អតីតគ្រូបង្វឹកក្រុម Barcelona, Bayern Munich លោក Guardiola បានផ្តល់បទសម្ភាសន៏នៅក្រោយចប់ការប្រកួតយប់មិញថា៖ “ខ្ញុំសូមឧទ្ទិសជ័យជម្នះនេះជូនដល់ពួកគេ។ ពួកយើងបានបង្ហាញប្រាប់ពិភពលោកនៅតំបន់កាតាឡូនី គឺធំជាងអ្វីទាំងអស់ ហើយយើងសង្ឃឹមថាពួកគេនឹងត្រូវបានដោះលែងឆាប់ៗ”។

គួររំលឹកឡើងវិញផងដែរថា មនុស្សរាប់ម៉ឺននាក់បានដើរតាមផ្លូវនៅទីក្រុង Barcelona កាលពីថ្ងៃអង្គារនេះ ដើម្បីតវ៉ាប្រឆាំងតុលាការដែលមានមូលដ្ឋាននៅរាជធានីម៉ាឌ្រីដ ដែលចេញសាលក្រមឃុំលោក Jordi Cuixart និង Jordi Sanchez នៅក្នុងពន្ធនាគារ រង់ចាំការស៊ើបអង្កេតពីបទញុះញង់ និងបង្កអំពើខុសច្បាប់ត្រូវបានចោតប្រកាន់ដោយរដ្ឋអាជ្ញាប្រទេសអេស្បាញ ក្រោយក្រុមនៅតំបន់ Catalan ចង់ផ្តាច់ខ្លួនជារដ្ឋឯករាជ្យ ចេញពីប្រទេសអេស្បាញ៕

លោក Guadiola ធ្លាប់មានប្រវត្តកើតចេញពីតំបន់ Catalan និងធ្លាប់លេងអោយក្រុម ហើយដឹកនាំក្រុមដែលមានមូលដ្ឋាននៅតំបន់នោះគឺ Barcelona អោយឈ្នះពានជាច្រើនកំលុងពេលរូបលោក ដឹកនាំក្រុម មុនផ្ទេរទៅដឹកនាំក្រុម Bayern Munich កាលពីឆ្នាំ2013។

កែសម្រួលដោយ៖ Cambosport
ប្រភព៖ Marca

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.