v9

Oscar ទាត់ចូលក្នុងប្រកួតដំបូងឲ្យក្លិប Shanghai SIPG

3 months ago​ | ដោយ Nara

ខ្សែបម្រើសញ្ជាតិប្រេស៊ីល Oscar បានរកគ្រាប់បាល់ស៊ុតបញ្ចូលទី ក្នុងប្រកួតដំបូងរបស់ខ្លួន ឲ្យក្លិប Shanghai SIPG ក្រោយពីបានផ្ទេរចេញពីក្លិបតោខៀវ Chelsea ក្នុងតម្លៃខ្លួនបំបែកកំណត់ត្រាផ្ទេរ ក្នុងលីកប្រទេស ៦០លានផោន។

Oscar

កីឡាករវ័យ ២៥ឆ្នាំ បានបំប៉ោងសំណាញ់ទី ក្រោយពីត្រូវបានប្តូរចូលលេងជំនួស នៅពាក់កណ្តាលតង់ ក្នុងប្រកួតមិត្តភាព ២-១ ឈ្នះលើក្រុម Al-Batin របស់ប្រទេស អារ៉ាប់ប៊ី សៅអូឌីត ក្នុងទីក្រុង ដូហា ប្រទេស កាតា។

Oscar និយាយថា «ខ្ញុំទើបតែចូលហ្វឹកហាត់បានពីរថ្ងៃទេ។ នេះគឺជាការចាប់ផ្តើមរដូវកាលថ្មី ដែលពួកយើងមានតែមួយគ្រាប់អាចឈ្នះបាន»។ «ក្រុមរបស់ខ្ញុំលេងបានយ៉ាងល្អ ហើយមិត្តរួមក្រុមជាជនជាតិចិន បានព្យាយាមជួយ យើងឲ្យឆាប់សម្របខ្លួនលេងបាន នៅទីនេះ»។

សូមបញ្ជាក់ថា លីកកំពូលក្នុងប្រទេសចិន Chinese Super League នឹងចាប់ផ្តើមនៅខែមីនា៕

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូមទំនាក់ទំនងមកកាន់លេខៈ 093 77 93 77