v9

គោព្រៃកម្ពុជា នឹងកម្ដៅសាច់ដុំ​ជាមួយ​ភ្នំពេញក្រោន​ស្អែកនេះ

2 months ago​ | ដោយ sopharith

(ភ្នំពេញ)៖ បន្ទាប់ពីប្រមូលផ្ដុំអស់រយៈពេល ៥ថ្ងៃ ក្រោមការដឹកនាំរបស់គ្រូបង្វឹកផុតកុងត្រាលោក Lee Tae Hoon កន្លងទៅ នៅវេលាម៉ោង ៤រសៀលថ្ងៃទី១០ ខែមករា ឆ្នាំ២០១៧ស្អែកនេះ ក្រុមជម្រើសជាតិកម្ពុជា ឬក្រុមគោព្រៃ កម្ពុជា នឹងធ្វើការប្រកួតមិត្តភាពកម្ដៅសាច់ដុំលើកដំបូងជាមួយក្រុមភ្នំពេញក្រោន ដើម្បីត្រៀមជួបប្រកួតមិត្តភាពអន្ដរជាតិ ជាមួយក្រុមជម្រើសជាតិអារ៉ាប់ប៊ីសាអូឌីត នៅទីក្រុងឌូបៃ នាថ្ងៃទី១៤ ខែមករាខាងមុខនេះ ។

fn-2017-01-09-10-49-34-1

បើយោងតាមការជូនដំណឹងរបស់ក្លឹបភ្នំពេញក្រោន បានបញ្ជាក់ថា ជំនួបមិត្តភាពនេះ នឹងធ្វើឡើងនៅកីឡដ្ឋាន RSN ដោយគ្មាន​ការ​លក់​សំបុត្រអ្វីឡើយ ។ ប៉ុន្ដែការប្រកួតនេះភ្នំពេញក្រោន ត្រូវអវត្តមានកីឡាករសំខាន់ៗ ៤រូបដែលជាប់បេសកកម្មជួយក្រុម​ជម្រើសជាតិ រួមមានកីឡាករ សឿត បារាំង, អ៊ិន សុដាវីត, កែវ សុខផេង និងអ្នកចាំទី កែវ សុខសិលា ។ ចំណែកភាគីក្រុម​គោ​ព្រៃ​កម្ពុជា សម្រាប់ការប្រមូលផ្ដុំត្រៀមប្រកួតមិត្តភាព អន្ដរជាតិនាពេលខាងលើនេះ គឺមានសមាជិកសរុប ២៤នាក់ ៕

fn-2017-01-09-10-49-34-0

fn-2017-01-09-10-49-28-0

ប្រភពពី khmertalking

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូមទំនាក់ទំនងមកកាន់លេខៈ 093 77 93 77