v9

Austin រកបានពីរគ្រាប់ដើម្បីបំបាក់ Burnley ខណៈ Watford ផ្តួល Middlesbrough (មានវីដេអូ Highlight)

5 months ago​ | ដោយ Dara

ការបង្ហាញពីទម្រង់លេងយ៉ាងល្អរបស់ក្រុម Southampton ក្នុងក្របខ័ណ្ឌ Premier League បានបន្ត ខណៈដែលពួកគេបានផ្តួលក្រុម Burnley ក្នុងលទ្ធផល ៣-១ តាមរយៈការរកគ្រាប់បាល់ស៊ុតបញ្ចូលទី២គ្រាប់ពីសំណាក់ខ្សែប្រយុទ្ធ Charlie Austin កាលពីថ្ងៃអាទិត្យ ខណៈដែលក្រុមទើបតែឡើងថ្មីមួយផ្សេងទៀត Middlesbrough បានរងបរាជ័យ ១-០ ក្នុងផ្ទះខ្លួនឯង ក្រោមស្នាដៃក្រុម Watford។

Southampton

ក្រោយពីក្រុម Hull City បានរងបរាជ័យ ៦-១ នៅលើទឹកដីក្រុម Bournemouth កាលពីថ្ងៃសៅរ៍ ការប្រជែងដើម្បីរក្សាវត្តមានក្នុងក្របខ័ណ្ឌកំពូលកំពុងតែចាប់ផ្តើមស្វិតស្វាញនៅរដូវកាលនេះ ខណៈដែលក្រុមទើបតែឡើងថ្មីទាំង៣សុទ្ធសឹងស្ថិតនៅបាតតារាង។ ការរងបរាជ័យកាលពីថ្ងៃអាទិត្យ បានផ្តល់នូវការខកចិត្តដ៏ធំសម្រាប់ក្រុម Burnley ក្រោយពីអ្នកចាំទី Tom Heaton មិនបានបំពេញតួនាទីល្អឡើយ នៅមុនពេលខ្សែប្រយុទ្ធ Austin បានធ្វើឲ្យគ្រាប់បាល់សរុបរបស់គេកើនដល់៧គ្រាប់ក្នុងការប្រកួត៦លើក ជាមួយនឹងគ្រាប់បាល់បំប៉ោងសំណាញ់ទីនៅនទី ទី៥២ និងនាទី ទី៦៦។

ស្របពេលជាមួយគ្នានេះ កីឡាករ Nathan Redmond ក៏បានរកគ្រាប់បាល់បញ្ចូលទីផងដែរ ខណៈដែលក្រុម Southampton បានធ្វើឲ្យកំណត់ត្រានៃការមិនស្គាល់ចាញ់របស់ពួកគេកើនដល់៧លើក។ Austin បានឲ្យដឹងថា៖ «ខ្ញុំបានរកគ្រាប់បាល់៧គ្រាប់ក្នុងការប្រកួត៦លើក ប៉ុន្តែ យើងមិនស្គាល់ចាញ់សោះចំនួន៧ប្រកួត នោះទើបជារឿងសំខាន់។ យើងបានដឹងថា វានឹងក្លាយជារាត្រីដ៏ខកចិត្ត ប្រសិនបើយើងមិនរកគ្រាប់បាល់បញ្ចូលទីឲ្យបានឆាប ប៉ុន្តែ នៅពេលដែលយើងបានរកគ្រាប់បាល់បញ្ចូលទី យើងបានបន្តរកគ្រាប់បាល់ទៀត»៕

ប្រភពព័ត៌មាន៖ Channel News Asia

ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូមទំនាក់ទំនងមកកាន់លេខៈ 093 77 93 77